يـا طعـنـةٍ خلتـنـي انـسـى مــن سبايبـهـا .. طعـونـي

وربّـي مــا أنــلام لــو بـعـد الــذي ســوّوه .. غـبْـت

ماكنت ناقص صدمه اخرى فـي حياتـي واصدمونـي

مصـدوم خِلقـه .. ليـن مـات الحـب فينـي وانعطـبْـت

الحيـن مـدري كيـف اعاملهـم .. وهُــم مــا قـدّرونـي

ما استوعبوا للّـي كتبْـت مـن الجـروح .. ومـا كتبْـت

الله يجازيـهـم عـلـى استنـزافـي .. وحـرقـة جفـونـي

مـا كنـت حاسبهـم يبيعـون الـغـلا .. يـومـي حسـبْـت

اثْــر الغـلـط مـنـي لأنــي كـنــت اسلّـمـهـم جـنـونـي

لـكـنّـي أعلـنـهـا صـريـحـه "تـبْــت والله ثـــم تـبْــت"

مـا عـاد لــي رغـبـه أجــدّد فــي علاقتـهـم طعـونـي

خسرت في هذا الطريق اضعاف ضعف اللي كسبْت

أحسن لي ابعد واشتـري نفسـي .. ولا خيبـة ظنونـي

إن طبْت من جرحي .. وإلا ّ.. جِعْلِني ما يوم طبْت